søndag 22. november 2026

Matteus 2,16-18

 Denne teksten er rå. 

Her møter me den morderiske Herodes som vel å ta livet av alle jødiske gutebarn i Betlehem under 2 år i den hensikt å vera sikker på at han med det har rydda Jesus av vegen. Det er ein djevelsk strategi utarbeida av ein mann full av demonisk vondskap. 

Slike typar dukkar opp i historia støtt og stadig, og me har dei også i vår tid. 

Difor er andre juledag vigsla til martyrane, alle som gjennom historia har måtta døy for Jesu skuld. 

Djevelen jaktar på barn. Dei representerer framtida, og kan han øydeleggja dei, er han veldig fornøgd. Og då er me komne fram til vår tids største brotsverk slik det ser ut frå Guds synsstad: Provosert abort. 

Dette er rein djeveleskap. Jesus seier om djevelen: Han er komen for å stela og drepa og øydeleggja. Og det er ei råkande beskriving. Han er den som står bak alle drap og alle krigar. Får han folk til å hata kvarandre, eller drepa for å oppnå fordeler, har han lukkast i sine planar. 

Men aldri har han så lett spel for å nå sine mål som når det gjeld provosert abort. For då drep folk i statens namn utan å hata og vera sinte. Dei ser på svineriet som ei velgjerning. 

Slik blir 50 millionar små menneske drepne kvart år verda over. Dei er skapte og forma av Gud i hans bilete, og han har meisla ut ein fantastisk plan for kvar av dei. Her er det framtidige legar, astronautar, universitetsprofessorar, biletkunstnarar, komponistar, musikarar, røyrleggjarar, klovnar, profetar, kelnarar, elektrikarar, dykkarar, mekanikarar, sjukepleiarar, kreftforskarar, oppfinnarar, mektige predikantar, filosofar, økonomar, generalar, store filantropar osv. 

Nokre av desse skulle løysa kreftgåta, oppdaga nye medisinar, opplysa formørka menneskesinn, skapa eit varmare samfunn, avsløra forbrytarar og mangt anna flott. 

Kva verda har gått glipp av gjennom desse drapa, vil me aldri få innblikk i, men det er mykje. 

Men desse Guds planar vart effektivt stoppa av den djevelske ideen om at eit svangerskap er ein sjukdom som kan lækjast ved eit kirurgisk inngrep, utan at ein ser noko nærare på kva dette inngrepet er. 

Difor er andre juledag for meg også ein minnedag for alle dei små menneskebarna som kvart einaste år får heile livet sitt abortert av legar som får mødre til å tenkja at dei dei berre bryt av eit svangerskap, og det bør for oss alle vera ein dag då me ber for dei ufødde barna at folk i alle posisjonar får medynk med dei og spara dei. Be om at det skal reisa seg eit mektig forsvar i folket for desse små og verjelause menneskebarna. Det vil i alle fall eg gjera, kvar dag så lenge eg pustar, eller til dei tause skrika frå dei ufødde vert høyrde, og lova endra til deira gagn. 

Eit samfunn som gjennom lovene sine gjer pakt med døden har inga framtid. 

Ingen kommentarer: